Նախաբան
Մեր մայրենի լեզվի դասերը ուրբաթ օրերը շատ հետաքրքիր են անցել, քանի որ մենք բոլորս գրքեր էինք բերում, իհարկե մեր Մայրենի լեզվով ընթերցում և վերջում ամեն մեկս կիսվում էինք իրար հետ և քննարկում կարդացածը։ Ընկեր Մերին բացառիկ հնարավորություն տվեց այն երեխաներին, որոնք ժամանակ չեն հատկացում գիրք կարդալու ինչ-որ պատճառներով։ Գիրք կարդալիս մենք ամեն մեկս շատ-շատ բաներ իմացանք և բոլորս սիրեցինք գիրք կարդալ հատկապես կարևորեցինք գիրք կարդալ մեր Մայրենի լեզվով։
Իմ կարդացած գրքերը
Ռեյ Բրեդբերի <<Մարսյան Քրոնիկոն>>
Ես այդ ժամերի ընթացքում և ոչ միայն կարդացել եմ Ռեյ Բրեդբերի <<Մարսյան Քրոնիկոն>> գիրքը և հենց այդ գրքից սկսել եմ գիրք կարդալ սիրել և գիրք չկարդալ ուղղակի կարդալու համար։ Այն մարդկանց, ովքեր սիրում են կարդալ ուղղակի ֆանտաստիկա, որտեղ ամեն ինչ գրված և բացահայտված է, խորհուրդ չեմ տա կարդալ այս գիրքը, իսկ այն մարդիկ, ովքեր սիրում են կարդալ գրքեր, որտեղ իրենք են բացահայտում գիրքը, միանշանակ այդ գիրքը խորհուրդ կտամ, հատկապես այն մարդկանց համար, ովքեր սիրում են փիլիսոփայել․ այդ գիրքը իդեալակն է նրանց համար։ Այն մարդիկ, ովքեր չեն ընթերցել, կմտածեն, թե ինչ կապ ունի Մարս մոլորակը Երկիր մոլորակի հետ և առհասարակ մեր հետ, բայց եթե խորը հասկանալով կարդաս այդ գիրքը, կհասկանաս, որ այնտեղ ներկայացված է մեր Երկիր մոլորակը մարդկան բնակվելուց առաջ և հետո․ ախր իասկապես Մարսը, այսինքն մեր Երկիր մոլորակը, շատ-շատ լավն է, երբ մենք նրան չենք փչացնում։Այդ գրքում կար մի գլուխ, որտեղ կար մի մոլագար (անունը չեմ ասում, որ ինքներդ գլխի ընկնեք), ով չէր ուզում մարդկանց թողնել, որպեսզի նրանք բնակվեն Մարսում, որովհետև գիտեր, որ երբ նրանք գան կսկսեն կռիվները տեղափոխել Մարս, ռումբեր տեղավորել և այլն։ Նա չէր ուզում, որովհտեև երբ մարդիկ գային, նրանք Երկիր մոլորակը կրկնօրնակելու էին Մարսին(այդ մասն է ինձ մոտ շատ տպավորվել) ։
<<Լեոնարդո Դա Վինչիի առակներ հեքիաթներ լեգենդներ >>
Եթե անկեղծ լինեմ, առակները և հեքիաթները չեմ կարդացել․ միայն լեգենդներն եմ կարդացել Լեոնարդոյին մի քիչ ավելի լավ ճանաչելու համար և էլի համոզվեցի, որ նա հանճար է եղել։ Եթե ես մոտենամ դրսում մեկ մարդու և հարնցեմ
— Լեոնարդո Դա Վինչիին գիտե՞ս
Նա կասի
-Հա, են գեղանկարիչը։
Ցավալին այն է, որ մարդիկ չգիտեն այդ հանճարեղ մարդու մասին և չգիտեն ինչքան բան է նա արել մեզ համար։
Անպայման կարդացեք այս գիրքը ԲՈԼՈՐԴ։
Վիլյամ Սարոյան <<Իմ սիրտը լեռներում է>>
Շատ եմ սիրում թատրոնի աշխարհը և որոշեցի այս անգամ կարդալ պիեսներ։ Սկսեցի հենց այս պիեսից և շատ սիրեցի այն․ հատկապես Մեք-Գրեքորի կերպարը, քանի որ մենք նմանություններ ունենք։Այնքան սիրեցի, որ ցանկություն առաջացավ մոտս մեր դպրոցում բեմադրել այդ պիեսը։Բոլոր այն մարդկանց համար, ովքեր սիրում են ներկայացումներ դիտել, բայց չգիտեն ինչ կարդալ, պիեսները լավագույն տարբերակն են, որտեղ շատ են երկխոսությունները և ամեն ինչ կարող ես շատ հեշտ պատկերացնել։